“KUYISIFISO sami njengoNdunankulu wesiFundazwe ukubona elinye lamaqembu ethu ebhola aKwaZulu-Natal liwina isicoco seligi kuthi lawa amanye aqede isizini ekwiTop 8.”
La mazwi ashiwo nguMnu Thami Ntuli, onguNdunankulu wesifundazwe emcimbini wokwethula umqhudelwano wanonyaka weKZN Premier’s Cup ozoba ngempelasonto kaJulayi 27 no-28 ePrince Mangosuthu Buthelezi Stadium eLundi.
Lo mcimbi, obuwenzelwe ehhotela iMaharani elisesitaladini esigudle ulwandle eThekwini, udonse inqwaba yezintatheli zamaphephandaba, ezemisakazo nezethelevishini.
Eqhuba uMphemba, uthe uHulumeni wakhe uzinikele ngokusekela nokuthuthukisa indima yezebhola ngobubanzi bayo. Uthe yikho nje enesifiso sokuthi elinye lamaqembu akuleso sifundazwe lidle isicoco seligi kuthi lawa amanye amaqembu abe kwiTop 8.
wesifundazwe
uMnu Thami
Ntuli.
Sekuwunyaka ka-10 lo mqhudelwano wenziwa. AmaZulu FC yilona qembu elingoshampeni, eladla isicoco nyakenye. Esewonke amaqembu azobe ebanga le ndebe nonyaka ayi-6. Ngaphandle kwamaZulu, yiLamontville Golden Arrows, yiRoyal AM, yiMillford FC, yiRichards Bay FC, neMaritzburg United.
Lena yimidlalo ewumkhumula jezi kusuka ekuqaleni kuze kuyovalwa kowamanqamu. Umdlalo wamanqamu uzoba ngeSonto ntambama.\\
obephakela indlebe
ukudla komculo.
UNdunankulu uthe ukwenziwa kwale midlalo endaweni efana nasoLundi yindlela yokusabalalisa umdlalo webhola, ungabe ulokhu wenziwa ezindaweni ezisemadolobheni njengesaseThekwini naseMgungundlovu.
bazoba yinkukhu nempaka uma amaqembu abo
esetholana phezulu ngoMgqibelo, uSthembiso
Ximba, kwesokunxele, osaphotha i-Arrows
noLuyanda Mbuyazi osaphotha uSuthu
nokunguyena onguMiss AmaZulu.
UMnu Mntomuhle Khawula, onguNgqongqoshe wezemiDlalo, ezobuCiko namaSiko KwaZulu-Natal, nowethule uNdunankulu, uthe yize uMnyango wakhe unesimo esintengayo sezimali, uzimisele ukubona zisimama ezikanobhutshuzwayo.
nguMnu Mntomuhle Khawula, onguNgqongqoshe wezemiDlalo, ezobuCiko
namaSiko KwaZulu-Natal ophahlwe ngabadlali asebawalengisa ethala
amakhokho, uSiyabonga Nomvethe kwesokunxele noBrilliant Khuzwayo.
“Sizimisele ngempela ukuthi siwuthuthukise umkhakha webhola nabalandeli basibone isidingo sokuya ezinkundleni. Akuzwakali kahle ukuthi uma kudlala i-Orlando Pirates e-Orlando Stadium, inkundla yakhona igcwale phama, kodwa uma AmaZulu edlala eMoses Mabhida Stadium abalandeli babe beyingcosana. Sifuna nalapha eThekwini nakwezinye izindawo abalandeli baleseke ngobuningi babo ibhola,” usho kanje uNgqongqoshe Khawula.
