Izinyembezi zosizi ezazidalwe ukulahlekelwa yindlu ngesikhathi kuhlasela izikhukhula ngo-2022 ziphenduke izinyembezi zenjabulo emndenini wakwaSigudu eWoody Glen, eHammarsdale, entshonalanga yeTheku. Lokhu kwenzeke ngesikhathi uMeya, uMnu Cyril Xaba, egidlabeza lo mndeni ngendlu entsha.
Le ndlu inikezwe umndeni wakwaSigudu egameni likaMasipala weTheku, ngaphansi komkhankaso wokukhumbula uMnu Nelson Mandela, iNelson Mandela International Day, ebigujwa umhlaba wonke ngoJulayi 18, usuku lokuzalwa kukaTata. Esithombeni, ubaba nomama Sigudu babonakala bejabule bebambe itayitela lomuzi omusha abawanikezwe eWard 6, eHammarsdale, ngesikhathi behlangana noKhansela uXaba.